RECOMENDACIÓNS DENDE A BIBLIOTECA

 

 TRÍPTICO

E aquí están para despedir o ano 2023 as nosas recomendacións lectoras e tamén de xogos educativos.

Por un Nadal cheo de saúde, amor e libros...

 

OBRADOIRO DE NADAL

 

ESTE CURSO DENDE BIBLIOTECA CREATIVA

DECIDIMOS ENSINAR O FUNCIONAMENTO DOS BOLÍGRAFOS 3D,

COMEZAMOS FORMANDO AOS VOLUNTARIOS DE 6º DE E.P.,

 E LLES PROPUSEMOS FACER ADORNOS PARA A ÁRBORE DE NADAL. 

 

 

A NOSA ÁRBORE DE NADAL

E que facemos cos libros expurgados? 

Levamos varios cursos académicos facendo expurgo, polo que o equipo de biblioteca decidiu buscarlles unha nova vida.

Que vos parece o resultado?

 

DÍA INTERNACIONAL DAS PERSOAS CON DISCAPACIDADE

Día Internacional das Persoas con Discapacidade

O domingo pasado, 3 de decembro, conmemorouse o Día Internacional das Persoas con Discapacidade.

No noso centro, a través da Asociación Participa, tivemos a visita de dous traballadores do taller ocupacional de ADCOR o luns 4.

Explicáronos en que consite o seu traballo e como transcorre alí o seu día a día.

Ademais, tamén nos falaron un pouquiño de como facer murais con spray, pois en breve continuaremos traballando, coa súa colaboración, nun debuxo realizado nun dos muros no noso cole.

GRAZAS POR TODO!

 

ONDE SE CELEBRARON AS ÚLTIMAS OLIMPIADAS?

 

Dende Barcelona ata París

Continuamos co noso PDI, cada grupo aula investigou onde se celebraron as olimpiadas dende Barcelona '92 ata as próximas París 2024. 

Unha vez investigado, celebramos un acto cos himnos nacionais e para que todo o alumnado as coñecese.

Rematamos engandindo todo ao noso gran mural da biblioteca adicado aos xogos olímpicos.

 

QUEDARON MOI CHULAS!

BIBLIOPATIO

 

BIBLIOPATIO

Este curso escolar, coa axuda dos voluntarios/as de sexto de primaria, puxemos en marcha o noso bibliopatio, para gozar da lectura ao aire libre durante o tempo de recreo de educación primaria.

Pero botádelle unha ollada, porque hai moitos libros recén mercados grazas ao PLAMBE.

 

 

25-N.DÍA INTERNACIONAL CONTRA A VIOLENCIA DE XÉNERO.

 Día Internacional contra a Violencia de Xénero

Para conmemorar este día, 25 N, proxectáronse na biblioteca do centro escolar varias curtametraxes que mostraban esta triste realidade dun xeito máis adaptado a idade do noso alumnado.

Rematamos cun debate por ciclos entre mestres/as e alumnado. 

 

SAMAÍN

 

SAMAÍN

Na semana do Samaín organizáronse en todos os recreos desta semana, as lecturas a escuras cunha lanterna. 

Co espacio acicalado e unha estantería chea de propostas de lectura axeitadas para a ocasión, a idea foi todo un éxtio, e a biblio estivo súper concorrida!

Ademais o alumnado de sexto de educación primaria contou aos seus compañeiros, no tempo do prxecto lector, historias relacionadas coa temática e os nenos/as desfrutaron moito!

• 5º e 6º EP: O vampiro Ramiro.
• 1º e 2º EP: Unha pantasma con asma.
• 3º e 4º EP: Un conto cheo de lobos.
• 5º e 6º EP: A estraña visita.

 

UN SAMAÍN MOI LECTOR !

PRESENTACIÓN DO NOSO PDI: "O MURGUÍA NAS OLIMPIADAS!"

PDI O MURGUÍA NAS OLIMPIADAS! 

O pasado martes 24 de outubro, Día das Bibliotecas Escolares, presentamos ao noso alumando o Proxecto Documental Integrado da biblioteca Rosalía de Castro neste curso escolar 2023/24: O Murguía nas Olimpiadas!

Todo o alumnado viu a proxección da inauguración das derradeiras Olimpiadas e cada grupo-clase amosou aos demais a elaboración dun elemento característico das olimpiadas, que formará parte do mural da biblioteca.

 

COMEZA UNHA NOVA AVENTURA !

MOCHILAS VIAXEIRAS

  

 MOCHILAS VIAXEIRAS

Un ano máis as nosas Mochilas Viaxeiras comezaron a súa andaina polos fogares dos nosos nenos/as de educación infantil e primaria. E temos unha novidade, estreamos mochilas!

Esta viaxe comezou o 24 de outbro Día das Bibliotecas Escolares. 

 

 

BIBLIOTECA CREATIVA´23

AQUÍ MOSTRAMOS ALGÚNS MOMENTOS DOS OBRADOIROS DE BIBLIOTECA QUE SE LEVARON A CABO NO 2º E 3º TRIMESTRE.

XOGAMOS MOITO, E APRENDEMOS A EMPREGAR O ESCORNABOT E O TALE-BOT.

PASÁMOLO MOI BEN!!!

 

 

 

DÍA DA MULLER E A NENA NA CIENCIA

A semana do 11 de febreiro no CEIP Plurilingüe Manuel Murguía os nenos e nenas de 6º E.P. contaron a vida dalgunhas científicas galegas:

-Luns:

Niza contoulles aos nenos e nenas de infantil a vida dunha farmacéutica chamada Manuela Barreiro Pico. 

-Martes:

-Nico (que por mala sorte non pudo vir) e Álex explicáronlle aos nenos e nenas de 1º e 2º E.P. a vida dunha mestra chamada Ángela Ruiz Robles.

-Noa G. e Lía explicáronlle aos nenos e nenas de 1º e 2º E.P. a vida dunha oceanógrafa chamada Ángeles Alvariño.

-Mércores:

-Ana e Lola contáronlle aos nenos e nenas de 5º e 6º E.P. a historia da primeira xinecóloga galega chamada Olimpia Valencia.

                                         

-Gerard contoulle aos nenos e nenas de 5º e 6º E.P. a biografía dunha mestra e divulgadora científica chamada Celia Brañas.

-Xoves:

-Noa V.( que por mala sorte non pudo vir) e Marta contáronlle aos nenos e nenas de 3º e 4º E.P. a historia das primeiras mulleres licenciadas en medicina na USC  que eran dúas irmás chamadas Jimena e Elisa Fernández de la Vega.

-Hadriana e Laia explicáronlle aos nenos e nenas de 3º e 4º E.P. a vida da primeira programadora galega chamada Ana María Prieto López.

Aquí nos despedimos as alumnas

 de  6º E.P. Ana, Laia e Lola.