Recomendacións de Nadal dende a biblioteca

E para despedir o ano 2024 aquí mandamos as nosas recomendacións lectoras.

Celebración Día Internacional discapacidade

 O 3 de decembro é o día internacional da discapacidade. 

En colaboración cos equipos de benestar e extraescolares, a asociación Aspronaga deu unha charla co fin de concienciar aos nenos de que as persoas discapacitadas tamén poden ter un papel importante na sociedade.                                             

Libros de Nadal

 Xa temos na entrada do colexio os libros con temática de Nadal para que todo o queira os lea.

Celebración Día Internacional da eliminación da violencia contra a muller

 Para celebrar o día internacional da eliminación da violencia contra a muller alumnos de 5º e 6º de primaria leron e dramatizaron os seguintes contos:

-Para 1º e 2º: "Non a todas as nenas lles gusta o rosa"e "Nin un biquiño á forza".

-Para 3º e 4º: "Rosa Caramelo" e "Yo voy conmigo".

-Para 5º e 6º: "Artur e Clementina" e "Cuando las niñas vuelan alto".

E para infantil houbo a proxección de "El chubasquero de Aurora".

Lectura de contos en inglés pola auxiliar de conversa

 Rachel, a nosa auxiliar de conversa, leu 2 contos en inglés aos nenos de 4º de educación infantil. 

Pasárono xenial con ela.

Concurso lendas de medo

 Os alumnos de primaria crearon as súas lendas de medo para celebrar o Samaín. 

Todos os participantes recibiron un diploma. E os mellores unhas chapas e un pequeno detalle.

Noraboa aos participantes! 

Celebración Samaín. Contos de medo

Para a celebración do Samaín algúns alumnos de 5º e 6º de primaria leron contos de medo ao resto dos nenos de primaria en penumbra na biblioteca, os cales colaboraron coa dramatización.

Ademais en educación infantil proxectouse "Corre, corre, Cabaciña".

Celebración Día mundial da biblioteca

 Hoxe foi o día mundial da biblioteca.

E celebrámolo cantando unhas cantigas típicas galegas.

Lectura contos en inglés para infantil pola auxiliar de conversa

 Hoxe os nenos de 5º de educación infantil disfrutaron
da lectura de dous contos en inglés feita pola auxiliar de conversa.

 Apertura da biblioteca escolar e reparto de mochilas viaxeiras.

Hoxe abriuse a biblioteca escolar, e ademais repartíronse as mochilas viaxeiras.

Este ano levan:

-Un libro en castelán.

-Un libro en galego.

-Un libro en inglés.

-Un libro para que lean os pais.

Ademais na entrada do colexio hai as últimas novidades para quen queira levalas a casa e lelas, previo paso por rexistro na biblioteca.

ANIMACIÓN LECTORA.

 

Libros de lectura no segundo ciclo de primaria.

O alumnado de terceiro e cuarto de educación primaria levaron a cabo unha teatralización na biblioteca sobre os libros de lectura lidos durante este curso escolar 2023/2024.

Os libros foron: O Lobo Ramón de María Canosa en galego e Bruja y Familia de Paula Carballeira en castelán.

OBRADOIRO CON BOLÍGRAFOS 3D.

SEMANA DO LIBRO

 

Un libro sempre é unha porta aberta a diversión!

Esta semana celebramos o Día do Libro cos xa tradicionais apadriñamentos lectores.

Unha actividade sinxela que sempre resulta moi especial polos lazos que se establécense entre todos os nenos e nenas do cole, algo que ademais se consigue a través da lectura.

Pero...

Tivemos unha visita moi especial, Reyes Pérez e Sonia Ramallo, autora e ilustradora, respectivamente, de La Tía Papucha, que fixeron pasar un rato xenial aos rapaces e rapazas de primaria.

Presentaron o primeiro libro da saga e fixeron unha pequena teatralización do segundo, facendo que o alumnado estivese moi entretido.

RECUNCHOS DE LECTURA.

 

RECUNCHOS NA BIBLIOTECA

E como non podía faltar nesta fermosa biblioteca, temos dous recunhos moi destacados.

• Recuncho con libros sobre os xogos olímpicos.
• Recuncho con libros sobre as conmemoracións mensuais e novidades de libros que se están mercando grazas ao fondo PLAMBE.

Son os libros máis solicitados!

BIBLIOTECAS MUNICIPAIS DA CORUÑA

 

Colaboración coas Bibiliotecas Municipais da Coruña

Esta semana os rapaces de 2º e 3º de educación primaria visitaron a Biblioteca Municipal do Castrillón.

Alí faláronlles do cómic e dos libros informativos traballados con anterioridade na biblioteca do centro.

Finalmente, trouxemos os libros das biblioteca municipais para o noso colexio.

 

8M E SEMANA DA PRENSA.

 

GALEGAS OLÍMPICAS

Polo 8M, Día Internacional da Muller, visitounos a deportista e profesora de educación física Vanesa Rial, que participou nas olimpiadas de Río de Janeiro 2016, na modalidade de Rugby.

Como a semana do 4 de marzo conmemórase a Semana da Prensa, elaborouse un mural creando noticias sobre deportistas galegas que participaron nos xogos olímpicos.